Shkëlzen Berisha, djali i ish-kryeministrit Sali Berisha, ishte sot në gjyq për padinë që ka ngritur ndaj deputetit të Partisë Socialiste, Taulant Balla.
Tirananews.al sjell fotot nga Gjykata ku Balla dhe Berisha janë përballur në dhomën penale.
Djali i ish-kryeministrit kërkon dënimin e Ballës për deklarimet e bëra në komisionin hetimor për privatizimin e CEZ.
Bëhet fjalë për një dokument që kreu i grupit PS-së e publikoi në adresë të tij të Facebook dhe i referohet një pagese prej 200 mijë euro të marra nga shtetasi Ismail Mulleti nga djali i ish-kryeministrit.
Berisha pretendon se Balla e publikoi këtë dokument me të dhëna personale në kohën kur ishte kreu i komisionit hetimor parlamentar për çështjen CEZ.