Kreu i qeverisë, Edi Rama, ka qenë sot në Lungomare, Vlorë, ku është takuar me disa të rinj të punësuar për sezonin veror.
Të rinjtë janë shprehur se paga e tyre arrin deri në 1 mijë euro, ndërsa Rama ka reaguar edhe në rrjetet sociale duke publikuar një video nga takimi.
Ai është shprehur se pagat në sektorin e turizmit në Shqipëri nuk janë më të ulëta se në Greqi dhe se diferencë krijojnë taksat më të ulëta, të cilat sipas tij lënë më shumë të ardhura neto për punonjësit.
“Në Shqipëri nuk ka në turizëm paga më të ulëta se në Greqi. Ndërkohë taksat janë shumë më të ulëta dhe ajo që ngelet në fund është shumë më tepër”, deklaroi Rama.