Ish-kryebashkiaku prej dy mandatesh i Bashkisë Lezhë, Viktor Tusha është bërë një fermer. Presidenti i Partisë së Lirisë, Ilir Meta teksa është takuar me Tushën, thotë se në qeverisjen e PL-së, fermerët do të marrin pagesë direkte 1000 euro/hektar. ”Pa mbështetur Bujqësinë dhe Blegtorinë nuk e ndalim dot shpopullimin dhe nuk e bëjmë dot Shqipërinë me 4 milion shqiptarë plus. Shqiptarë, bëhuni gati të ktheheni në tokat tuaja të begata dhe të largojmë Lugatin”,-shkruan Meta.
Postimi i plotë
Shpopullimi dhe largimi i fuqisë punëtore e detyroi Viktor Tushën të bëhet një fermer “i detyruar”, përveçse një drejtues politik i talentuar.
Me këtë rast e siguroj Viktorin, por edhe të gjithë fermerët që merren me vreshtari se me Partinë e Lirisë nesër në qeverisje do të përfitojnë pagesë direkte 1000 Euro/hektar ose 100 Euro/dynym, bashkë me shumë ndihma dhe mbështetje konkrete financiare.
Pa mbështetur Bujqësinë dhe Blegtorinë nuk e ndalim dot shpopullimin dhe nuk e bëjmë dot Shqipërinë me 4 milion shqiptarë plus. Shqiptarë, bëhuni gati të ktheheni në tokat tuaja të begata dhe të largojmë Lugatin!