Reperi Fero dhe partnerja e tij, Arbenita u bënë prindër për herë të parë me datë 24 prill. Modelja solli në jetë një vajzë, të cilën e pagëzuan me emrin Nina. Dyshja nuk i ka kursyer aspak fotot me të bijën në rrjetet sociale, ku ndajnë momente nga jeta e tyre e përditshme.
Duket sikur çifti ishte konsoliduar, por së fundmi duket se diçka ka ndodhur mes tyre, pasi çifti nuk ndiqen më në Instagram. Kjo ka ngjallur dyshimet se mes tyre ka probleme, ndonëse kjo nuk është hera e parë që përfliten për ndarje.
Nuk dihet ende si qëndron e vërteta pas veprimit të çiftit, por gjithçka mbetet për t’u parë në vijim, pasi asnjëri prej tyre nuk ka reaguar.
Ndërkohë, së fundmi Fero ka patur probleme me drejtësinë. Pak ditë më parë, u mbajt seanca gjyqësore për reperin , që ishte akuzuar për armëmbajte pa leje. Siç u përfol në media, ai ka pranuar fajin, është dënuar me 1 mijë euro gjobë, si dhe i është konfiskuar arma.