Shqiptarët duket se i kanë problem shërbimet online edhe përtej atyre të gjëndjes civile ose për tërheqjen e pensionit.
Këtë e tregojnë të dhënat më të fundit që vijnë nga Federata Shqiptare e Futbollit, ku numri i tifozëve shqiptarë është ndjeshëm më i ulët në krahësim me numrin e përgjithshëm, sa i përket finales së UEFA Conference League e cila do të luhet më 25 maj në stadiumin “Air Albania”.
Sipas FSHF-së, deri të enjten, informacioni ishte që kishin aplikuar vetëm 1 700 shtetas shqiptarë, në krahasim me rreth 13 000 aplikime gjithsej.
Të shtyrë nga tradita e shumë dekadave, ende me qindra e mijëra shqiptarë që jetojnë në vend, vazhdojnë të këmbëngulin për të gjetur bileta nëpër sportele apo me miqësi personale. Në Federatë sqarojnë se finalen e organizon UEFA dhe se procesin e shitjes së biletave po ashtu e ka ky organizëm.
Një mëkat i madh sepse UEFA e ka bërë të qartë se tifozët shqiptarë do të kenë përparësi në pranimin e aplikimeve online.
Sidoqoftë, kemi ende shpresë që të mos dalim pa gjë, sepse një tjetër informacion nga Federata është që për tifozët nga Shqipëria mund të rezervohen të paktën 4 000 bileta