Kryeministri Edi Rama shprehur keqardhje për të gjithë ata që sipas tij po përdorin lirinë e shprehjes për t’u ankuar për mungesën e lirisë.
Rama tha se kundërshtuesit e paketës antishpifje çirren për diktat imagjinar mbi mediat dhe që asnjë prej tyre nuk e ka lexuar tekstin.
“Keqardhje për ata që lirinë e shprehjes e përdorin për t’u ankuar për mungesën e lirisë, për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin,”- shkroi ai në Twitter.
Ndërsa theksoi se paketa antishpifje do hyjë nesër për miratim pas një pune të përbashkët 1-vjeçare me OSBE.
“Projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës nën drejtimin e Harlem Desir. I falënderoj për kontributin e çmuar dhe angazhimin në vazhdim për aktet nënligjore paktës Antishpifje,”- shtoi Kreu i qeverisë.