Kryeministri Edi Rama në takimin e zhvilluar në Shkodër, ka folur për rëndësinë e “Paketës së Maleve”. Një ligj, siç tha ai i sapomiratuar, për t’u hapur rrugë investimeve në agroturizëm e turizëm malor.
Rama u shpreh se i jep një mbështetje të posaçme, të gjithë atyre që duan të rikthehen në tokat e të parëve për të bërë sukses ekonomik për familjen e tyre.
“Është paketë që adreson ëndrrën dhe dëshirën për t’u kthyer në tokën e të parëve”, tha Rama.
Po ashtu theksoi se 500 përfituesit e parë në 10 vite do të jenë pa asnjë taksë.