Këto janë pamjet apokaliptike që vijnë këtë të hënë nga Turqia.
Stuhia e një dite më parë bëri që dallgët e Detit të Zi të zbarkonin në zonat e banuara. Këto janë pamjet që vijnë nga qyteti i Tirebolu, në provincën e Giresun. Dallgët gjigande morën para çfarë gjetën.
Të parat që u përballën me dallgët e mëdha ishin makinat që po kalonin në rrugë në atë moment. Por nuk shpëtuan as bizneset e shtëpitë që ndodheshin pranë. Në këtë zonë raportohet për të paktën 2 persona të humbur.
Mediat vendase shkruajnë se situatë të ngjashme pati edhe në disa zona të tjera bregdetare.