Marrëveshja e nënshkruar dje në Shtëpinë e Bardhë, në Uashington, nga Donald Trump, nga presidenti serb dhe kryeministri Avdullah Hoti, tregoi edhe një moment habie për Vuçiç.
Fjalën e rastit e mbajti presidenti amerikan Donald Trump, që ndër të tjera tha se Serbia do ta zhvendosë ambasadën e saj në Jeruzalem, duke shtuar se kjo është pikë e marrëveshjes.
Në këtë moment, siç shihet në pamje, presidenti serb Aleksandar Vuçiç habitet dhe drejtohet nga këshilltarët e tij. Si duket, ai nuk ka pasur dijeni për këtë pikë të marrëveshjes së nënshkruar.
Vuçiç ul kokën dhe kërkon mes rreshtave të marrëveshjes, duke u ndjerë qartazi në siklet.