Nënkryetarja e Partisë Demokratike zyrtare, Orjola Pampuri i është përgjigjur Ministres së Shtetit për Marrëdhëniet me Parlamentin, Elisa Spiropalit, e cila përmendi vizitën e Bliken si përgjigje ndaj akuzave të bërë ndaj Ramës për çështjen McGonigal.
Pampuri shprehet se është e turpshme dhe skandaloze të keqpërdorësh mikun dhe aleatin strategjik të Shqipërisë për aferën korruptive të Edi Ramës.
“Elisa në botën e doganave paska përdorur sot Sekretarin Blinken për të justifikuar përfshirjen e Ramës në aferën McGonigal kundër Lulzim Bashës” thotë Pampuri ndër te tjera.
Reagimi i plotë:
“Elisa në botën e doganave paska përdorur sot Sekretarin Blinken për të justifikuar përfshirjen e Ramës në aferën McGonigal kundër Lulzim Bashës.
E turpshme, skandaloze të keqpërdorësh mikun dhe aleatin strategjik të Shqipërisë për aferën korruptive të Edi Ramës.
Elisa, mos e keqpërdorni Sekretarin e Shtetin për hallet tuaja siç e përdorët Shtëpinë e Bardhë kur i çuat Sajmir Tahirin, kokën e trafikut të drogës në Shqipëri. Përrallat me para ruse nxorën kokën e Edi Ramës që sot në të gjithë botën tregohet me gisht si njeriu që korruptoi zyrtarin e lartë të FBI për të sulmuar opozitën dhe kryetarin e PD. Paratë ruse përfunduan në xhepat e McGonigal, Elisë, së bashku me paratë e korrupsionit të Edi Ramës.
E turpshme dhe e papranueshme të fshihesh pas sekretarit të shtetit!”, reagon Pampuri.