Ministri i Diasporës, Pandeli Majko, është shprehur sot se synohet se në zgjedhjet e ardhme diaspora do të votojë. Në një takim online me Këshillin Koordinues të Diasporës, Majko tha se ka shumë problematika por do të arrihet aty ku duhet.
Majko gjithashtu tha se “do të ketë listë të veçantë për votimin jashtë vendit dhe listë tjetër për votimin brenda vendit. Çështja e të drejtës kushtetuese për votën e shtetasve jashtë vendit është shumë më e rëndësishme se sa një Komision që mblidhet aty. Është një presion i jashtëzakonshëm pasi është moment më i rëndësishëm në Reformën Zgjedhore. Ne e kemi deleguar këtë ide në KQZ, dhe vota e emigrantëve nuk është çështje e një pakti politik. Përgëzoj vullnetin e mazhorancës që po mundohet për të krijuar mundësinë që emigrantët të votojnë për shtetin e tyre në zgjedhjet e ardhshme. Ne ndjehemi përgjegjës për këtë, kryeministri e Gjiknuri e thanë shumë qartë jemi pak të vonuar por prap jemi shumë të përkushtuar në këtë element. Do të bëhet dhe ka për t’u bërë”.
Ministri theksoi se “jam pro atë që ka bërë peticionin për votën e diasporës, ka disa modele, eshte modeli kroat ajo çfarë tha Gjiknuri, ku votohet nëë kryeqytet si Zagrebi. Këtu emigrantët mund të votojnë në Tiranë, por siç ka edhe modele të tjera që po diskutohen në komisionin e reformës”.