Pandeli Majko rikthehet në Kuvend. Ai ka pranuar të marrë mandatin e lënë nga Alqi Bllako.
Mësohet se Majko ka dorëzuar në KQZ formularin e dekriminalizimit.
Majko u rendit vetëm një vend poshtë listës fituese të PS-së për zgjedhjet e 25 prillit, çka bëri që këtë një vit t’i mungojë Parlamentit.
Por me lënien e mandatit nga Alqi Bllako, Majko rikthehet kështu në karrigen e tij në Kuvend për tre vitet e ardhshme.
Vendi vakant u krijua pas heqjes dorë nga mandati i deputetit nga ana e Bllakos, për të cilin SPAK kërkoi arrestimin e tij për abuzime me inceneratorin e Fierit.