Momente paniku kanë përjetuar pacientët në Urgjencën e Fierit mëngjesin e kësaj të mërkure, kjo pasi në katin e parë të spitalit ka rënë zjarr.
Shkak është bërë makineria e larjes së grafive që ka marrë flakë, por për fat të mirë zjarri është shuar me shpejtësi duke parandaluar një tragjedi të mundshme.
Mësohet se është bërë i mundur evakuimi menjëherë i personelit mjekësor nga dhoma, teksa pas disa minuta “luftë” me flakët, zjarri është shuar. Pacientët janë zhvendosur në spitalin “Memorial”, për të marrë kujdesin e duhur mjekësor, për të cilin kishin ardhur në Urgjencë.