Një ngjarje e rëndë ka ndodhur mëngjesin e kësaj të enjte në Tiranë, ku një shpërthim tritoli ka shkaktuar panik tek banorët.
Në njoftimin e parë për ngjarjen, Policia bën të ditur se shpërthimi ka ndodhur në orën 04:35, në afërsi të Liqenit të Thatë, ku në një servis automjetesh, në pronësi të shtetasit R. P., është vendosur një sasi e vogël lënde plasëse.
Fatmirësisht si pasojë e shpërthimit nuk raportohen persona të lënduar, por dëme materiale. Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.