Papa Françesku shpërtheu në lot teksa përmendi vuajtjet e ukrainasve gjatë një lutjeje tradicionale në qendër të Romës.
Zëri i papës filloi të dridhej teksa përmendi ukrainasit dhe iu desh të ndalonte së foluri për rreth 30 sekonda.
“Do të kisha dashur t’ju kisha sjellë falënderimet e popullit ukrainas.
…Popullit ukrainas për paqen që kemi kërkuar prej kaq kohësh Zotit. Përkundrazi, më duhet t’ju paraqes lutjet e fëmijëve, pleqve, nënave dhe baballarëve dhe të rinjve të asaj toke martire, që po vuan kaq shumë”, shtoi Papa.