Papa Françesku vlerëson përpjekjet e Turqisë për t’i dhënë fund pushtimit rus në Ukrainë.
Ambasadori i Ankarasë në Vatikan, Lutfullah Goktas tha se Papa Françesku ka shprehur mirënjohjen ndaj angazhimit të presidentit turk, Erdogan, i cili ka qenë në kontakt me të dyja palët që nga fillimi i konfliktit, si dhe ka punuar për paqen.
“Papa Françesku vlerëson përpjekjet e Presidentit tonë Erdogan për të pajtuar Ukrainën dhe Rusinë. Zgjidhja mund të gjendet vetëm përmes diplomacisë dhe negociatave, jo përmes luftës. E vetmja mënyrë e mundshme për të vendosur një armëpushim dhe për të nisur negociatat është përmes diplomacisë.”