Gjykata e Tiranës vendosi sot të lërë arrest me burg tre protestues, arrest shtëpie dy të tjerë, dhe për të tjerët detyrim paraqitje.
Pas këtij vendimi ka reaguar opozita. Me një status në Facebook ish deputeti Endrit Brahimllari thotë se para gjykatës duhet të ishte Edi Rama dhe Sandër Lelshaj që sipas tij janë shkaktarët e grabitjes shtetërore të Rinasit dhe për dhunën dhe gazin helmues ndaj qytetarëve.
“Mbahen në burg protestues të cilët protestojnë për drejtën e tyre dhe lihen të lirë grabitësit shtetëror në Rinas, hajdutët e Unazës së Re, trafikantët e drogës.
Sot para gjykatës duhet të ishte Edi Rama dhe Sandër Lleshi, për grabitjen shtetërore në Rinas për dhunën dhe gazin helmues të hedhur kundër qytetarëve.
Edi Rama nuk mund të trembë një popull të tërë me arrestime politike. Koha e Edi Ramës ka mbaruar është koha e qytetarëve”, thekson ai.