Në Qarkun e Dibrës në vend të agronomëve janë caktuar ekonomistë, duke krijuar jo pak probleme për fermerët dhe blektorët. Në rrethin e Matit zyra e bujqësisë është drejt shkrirjes. Nga tetë punonjës aktualisht ka vetëm dy, ndërkohë Agjensia Rajonale e Ekstensionit Bujqësor Tiranë ka caktuar ekonomistë nga Dibra për të punuar si agronomë në njësitë administrative Ulëz, Baz, Derjan, Macukull, Lis, Rukaj, Komsi, Xibër, Gurrë e Kurdari. Organizimi që penalizon fermerët e bashkive Mat e Klos erdhi nga zyrtarët e Drejtorisë së Bujqësisë Dibër, të cilët për të mbajtur vendet e tyre të punës, edhe pse në profesion janë ekonomistë, kanë manovruar dhe janë emëruar si agronomë në Mat, cka bie ndesh me kriteret për të qenë ekstensionist si dhe e kanë të pamundur të jenë pranë fermerëve të këtij rrethi, për shkak të largësisë, 200 km në ditë, vajtje-kthim. Mësohet sakaq se Shërbimi Veterinar është i ndarë tashmë me agjensi më vete, duke kryjuar katër agjensi të Shërbimit Veterinar dhe Mbrojtjes së Bimëve në Tiranë, Shkodër, Elbasan dhe Vlorë.
Add A Comment