Kreu i OBSH-së, Dr. Tedros Adhanom ka paralajmëruar shtetet që janë vetëkënaqur me luftën ndaj koronavirusit duke thënë se sëmundja “do të jetë për një kohë të gjatë me ne”.
Dr. Tedros paralajmëroi edhe tendencat rritëse të COVID-19 në Afrikë, Evropën Lindore, Amerikën Qendrore dhe atë Jugore. Ai tha se lirimi i masave mund të shkaktojë një “sundim” të infeksioneve.
Ai mbrojti gjithashtu edhe menaxhimin që OBSH po i bën pandemisë pas kritikave duke thënë se ai beson se kjo agjenci e OKB-së kishte paralajmëruar botën për COVID-19 sa më shpejt.
“Duke parë pas medoj se ne e shpallëm emergjencën në kohën e duhur dhe kur bota kishte kohë të mjaftueshme për t’u përgjigjur”, tha ai në konferencën e përditshme në Gjenevë. Koronavirusi u shpall pandemi më 11 mars dhe sot ka mbi 2 milionë të infektuar dhe mbi 170 mijë viktima.