Ambasadori britanik në vendin tonë, Alastair King-Smith, ka paralajmëruar se non grata të tjerë mund të shpallen së shpejti, pas shpalljes së ish-kryeministrit Sali Berisha. I ftuar në emisionin “Open”, ai u shpreh se kjo bëhet për të mbështetur institucionet e drejtësisë shqiptare në shërbim të luftës ndaj korrupsionit dhe llogaridhënies.
“Po mund të ketë. Ky nuk është vendimi mi por po diskutohet nga qeveria, kjo bëhet sa herë ka çështje kundër korrupsionit. Kjo shihet si mbështetje për institucionet e pavarura në Shqipëri për të luftuar korrupsionin, llogaridhënia është shumë e rëndësishme.
Ambasadori ka shtuar se emrat mund të jenë si nga opozita ashtu edhe nga qeveria, pasi sipas tij një vendim i tillë nuk varet nga sfondi, por nga aktet e gjithsecilit.
“Sanksionet tona zbatohen në të gjithë spektrin, nga biznesi e të tjerë. Nuk bazohemi tek sfondi por tek aktet e tyre”, tha ai.