OBSH në deklaratën e saj të përditshme bën të ditur se bota duhet të përgatitet për një rikthim të virusit.
Numri i të prekurve me koronavirus në gjithë botën ka kaluar 8 milionë ndërsa vdekjet 436 mijë. OBSH thotë se virusi është duke u përhapur me shpejtësi në Azi dhe në territorin amerikan.
Teksa Evropa vijon të hapet, Kina ka mbyllur pjesërisht Pekinin me raste të reja që janë shënuar.
Shifrat e reja në Kinë tregojnë se sa i vështirë është procesi i ndaljes së këtij virusi, për të cilin fillimisht është raportuar në Kinë, në fund të vitit të kaluar, mirëpo që atje kishte arritur të kontrollohej pas zbatimit të masave për izolim të ashpër.