Një grup grabitësish është goditur nga policia, ndërsa njëri nga autorët është arrestuar, dy të tjerët janë shpallur në kërkim. I arrestuari është J.M. 26 vjeç, banues në Xhafzotaj, ndërsa në kërkim janë Xh.M. 22 vjeç, banues në Delvinë dhe A.C. 21 vjeç, banues në Tiranë.
Sipas policisë ata në bashkëpunim me njëri -tjetrin dje gjatë natës kishin planifikuar grabitjen e një pike karburanti në qytetin e Durrësit. 26 vjeçarit me inicialet J.M. në momentin e arrestimit policia i gjeti dhe sekuestroi një armë zjarri automatike kallashnikov model 56, një karikator me 22 fishekë, tre maska, tre palë doreza, tre celularë dhe një thikë që do përdoreshin për të realizuar vjedhjen me armë të karburantit.