Policia e Lezhës ka arrestuar në flagrancë një 26-vjeçar nga Kurbini, si dhe ka proceduar 2 të tjerë. Mësohet se ata janë konfliktuar për motive të dobëta me mjete të forta me njëri-tjetrin, në qytetin e Lezhës.
Ndërhyrja në kohë e policisë shmangu përshkallëzimin e konfliktit, që mund të rezultonte me pasoja fatale. Policia i bllokoi 26-vjeçarit një armë zjarri pistoletë.
Tre të rinjtë akuzohen për veprat penale “Prodhim dhe mbajtje pa leje e armëve luftarake e municionit”, “Kanosje”, “Dëmtime të tjera me dashje” dhe “Prishje e rendit e qetësisë publike”.