Dita nis me kthjellime e vranësira kalimtare në jug, por priten vranësira më të dendura në veri.
Reshje shiu do të ketë në zonat veriore, por në momente të shkurtra edhe në zonat qendrore.
Edhe pjesa e dytë e ditës deri në mesnatë mbetet me kthjellime të shkurtra, vranësira të shpeshta dhe me shira të përkohshme në qendër, ndërsa shira më të konsiderueshme në veri.
Temperaturat e ajrit vijojnë me një rënie prej 2 gradësh, duke ulur minimumin vendor në 7 gradë, ndërsa vlera maksimale e ditës zbret në 24 gradë Celsius.
Era do të fryjë mesatare nga drejtimi perëndimor deri në mesditë, kur era do të bëhet jugore, si dhe pritet forcim i erës në brigjet detare ku dallgëzimi do të qëndrojë 4 ballë.