Gjatë ditës së sotme priten intervale të shkurta kthjellimesh dhe vranësira të shpeshta.
Ato do të dominojnë në të gjithë Shqipërinë, por më të dendura do të jenë në zonat qendrore dhe jugore, duke gjeneruar shira, që herë pas here do jenë në formë rrebeshi.
Pasditja vijon në ndikimin e vranësirave dhe shirave të dobët në skajin juglindor, duke lënë me mot të kthjellët bregdetin dhe zonën e ulët.
Temperaturat e ajrit do të ulen sërish në mëngjes dhe mesditë, duke luhatur vlerat ditore nga 3 gradë Celcius në zonat malore deri në 17 gradë Celcius në zonat e ulta.
Era do fryjë mesatare në veri, por e fortë në jug dhe bregdet me shpejtësi 45 km/h nga drejtimi verilindor, duke krijuar në det dallgëzim deri në 4 ballë.