Do të vijojë moti i freskët në të gjithë territorin shqiptar, si pasojë e qarkullimit të masave ajrore me origjinë veriore që kanë përfshirë prej disa ditësh rajonin e Ballkanit.
Ndërkohë, sipas MeteoAlb, orët e paradites do të mbizotërohen nga kthjellime dhe vranësira të lehta, ndërsa gjatë pasdites vranësirat do të bëhen edhe më prezente, por nuk priten reshje në territor. Ky stabilitet i atmosferës do të na shoqërojë edhe gjatë natës.
Temperaturat e ajrit do të pësojnë rënie në vlerat minimale, por rriten maksimumet, duke u luhatur nga 7°C temperatura më e ulët në qarkun e Dibrës, deri në 32°C pritet vlera maksimale në rang territori.
Era do të fryjë mesatare deri e fortë, duke arritur shpejtësinë mbi 70 km/h nga drejtimi veriperëndimor; kjo do të bëjë që në brigjet detare të gjenerohet dallgëzim mbi 4 ballë.