Territori shqiptar do të jetë nën ndikimin e kushteve të qëndrueshme atmosferike gjatë paradites, duke sjellë intervale me kthjellime përjashtuar ekstremin verilindor – juglindor ku priten vranësira të dendura.
Parashikohet që orët e pasdites dhe në vijim të shtojnë vranësirat në të gjithë territorin e vendit, ku më të dukshme do të jenë në zonat malore përgjatë kufirit lindor.
Temperaturat e ajrit do të qëndrojnë konstante në vlerat minimale, por ulen maksimumet duke luhatur vlerat ditore nga -4°C vlera më e ulët deri në 12°C vlera më e lartë në territor. Era do të fryjë mesatarisht me shpejtësi deri në 25 km/h nga drejtimi kryesisht lindor, duke krijuar në brigjet detare dallgëzim të ulët.
Kosova
Orët e paradites në republikën e Kosovës do të jenë nën dominimin e masave ajrore të qëndrueshme duke sjellë dominim të motit të kthjellët, por pjesa e dytë e ditës do të sjellë vranësira të shpeshta në shumë zona të Kosovës, por mundësia për reshje është thuajse zero. Për sa i përket temperaturave të ajrit do të qëndrojnë konstante në vlerat minimale por ulen maksimumet duke u luhatur nga -6°C minimalja e shënuar në qytetin e Podujevës deri në 7°C vlera maksimale e cila do të shënohen në Gjakovë. Era do të fryjë e lehtë paradite por forcohet gjatë pasdites duke arritur shpejtësinë maksimale deri në 30 km/h nga drejtimi permanent Lindor.
Maqedonia e Veriut
Nën mbizotërimin e motit të kthjellët dhe vranësirave të lehta do të paraqitet republika e MV gjatë gjithë paradites, por orët e pasdites dhe në vijim do të sjellin vranësira të shpeshta në pjesën më të madhe të MV, më të fokusuara në zonat veriore dhe verilindore, megjithatë nuk priten reshje. Temperaturat e ajrit do të qëndrojnë konstante në vlerat minimale por ulen maksimumet duke u luhatur nga nga -4°C vlera minimale deri në 8°C vlera maksimale në rang territori. Era do të fryjë e lehtë gjatë paradites por forcohet në pjesën e dytë të ditës duke arritur shpejtesinë maksimale mbi 25 km/h nga drejtimi Lindor.
Evropa
Një qendër e fuqishme ciklonare e zhvilluar në Europën qendrore me ndikim deri në Juglindje të kontinentit do të sjellë vranësira, reshje të dendura shiu dhe stuhi të forta ere përkatësisht në Europën qendrore, brigjet e Egjeut si edhe brigjet e Detit të Zi. Po ashtu vijojnë reshjet e dëborës në zonën e Alpeve ndërsa nën ndikimin e motit të kthjellët dhe vranësirave të pakta do të paraqiten gadishulli Iberik, gadishulli skandinav si edhe pjesa më e madhe e gadishullit të Ballkanit.