Pesë vjet më parë, Parisi u bë kryeqyteti i parë evropian që prezantoi një skemë të skuterëve elektronikë me qera – një veprim që u përshëndet si fillimi i një epoke të re, të gjelbër për transportin urban.
Por javën e kaluar, flota e fundit prej 15,000 skuterësh në qytet u hoq nga rrugët. Drejtuar nga tre firma, ishte skema e “lundrimit të lirë” fillimisht shumë popullor, veçanërisht në mesin e të rinjve parisienë; por shumë shpejt, njerëzit filluan të shprehin shqetësimin për skuterët e ngarë pa kujdes, shumë shpejt dhe në trotuare, duke çuar në aksidente të shumta, disa prej tyre fatale. Në prill, kryebashkiakia e qytetit, Anne Hidalgo, thirri një referendum për skemën e skuterëve me qera.
Pothuajse 90% e njerëzve votuan për t’i dhënë fund asaj, një rezultat që ajo premtoi se do ta nderonte, megjithëse votimi nuk ishte publikuar sa duhet dhe pjesëmarrja ishte vetëm 7.5%. Skuterët elektronikë në pronësi private mund të përdoren ende në Paris.