Parlamenti Evropian mbajti homazhe për viktimat e sulmeve terroriste në Izrael.
Ceremonia u zhvillua jashtë selisë së Parlamentit Evropian në Bruksel, ku ishin mbledhur një numër i madh njerëzish. Në nisje të ceremonisë u mbajt një minutë heshtje për viktimat në Izrael dhe u këndua himni kombëtar i Izraelit dhe himni i BE-së.
“Me praninë tonë këtu shprehim solidaritetin tonë, dënojmë aktet e tmerrshme të terrorizmit dhe vrasjeve dhe kërkojmë lirimin e menjëhershëm të pengjeve”, tha presidentja e PE dhe vazhdoi duke thënë se “nuk ka asnjë justifikim për terrorizmin”.