Bindja Demokratike, parti e re e themeluar nga Rudina Hajdari dhe Astrit Patozi pritet që të zyrtarizohet të martën ku do të regjistrohet në Gjykatën e Tiranës.
Ish-numri dy i PD-së, Astrit Patozi njeriu kritik i lidershipit aktual demokrat mësohet se do të jetë nënkryetari i partisë së re.
Sipas Deutche Ëelle-s, anëtarë të partisë së djathtë opozitare “Bindja Demokratike” pritet të jenë figura të njohura të PD-së, të cilat lideri i saj aktual Basha nuk i përfshiu në zgjedhjet parlamentare 2017, për shkak të qëndrimeve të tyre kritike ndaj strategjisë politike të PD në zgjedhjet parlamentare 2017.
Bindja Demokratike synon të bashkëpunojë me mazhorancën socialiste në reformimin e sistemit zgjedhor dhe të përfaqësojë në parlament elektoratin demokrat dhe opozitën e qytetarëve.
Partia e re opozitare pritet të marrë pjesë edhe në zgjedhjet e ardhshme të 30 qershorit. Pikërisht afati për t’u regjistruar në KQZ është pikërisht e marta ora 24:00.