Nga Lëvizja Socialiste për Integrim, në Partia e Lirisë e tashmë në “Partia e Referendumeve”. Ilir Meta është i vendosur që të çlirojë kapjen e shtetit sipas tij nga qeveria, dhe këtë thotë se do ta arrijë me Referendum dhe shenjtërimit të Kushtetutës e të ligjit. “Bashkëpunim me çdo ekspert, faktor, parti, grup interesi dhe çdo qytetar për të garantuar ligjërisht ushtrimin e kësaj të drejte kushtetuese të bllokuar nga oligarkia për dy dekada”,-shkruan Meta në një postim në facebook.
Postimi i plotë
Koha e Referendumit po vjen përgjithmonë! Ndaj më 25 Korrik u mor vendimi historik për t’u dhënë shqiptarëve Partinë e Lirisë e cila do të pagëzohet si Partia e Referendumeve shumë shpejt!
Bashkëpunim me çdo ekspert, faktor, parti, grup interesi dhe çdo qytetar për të garantuar ligjërisht ushtrimin e kësaj të drejte kushtetuese të bllokuar nga oligarkia për dy dekada.
Koha kur pakica vendoste pas shpinës të shqiptarëve ka përfunduar përgjithmonë. Së bashku do t’i japim fund kapjes së shtetit përmes Referendumit dhe shenjtërimit të Kushtetutës dhe të ligjit.