Partizani fitoi sot titullin kampion pas 26 vitesh, ndërsa të shumta ishin urimet për të kuqtë. Presidenti Ilir Meta shkruan “Urime Partizanit, skuadrës së adhuruar në fëmijërinë time, për rikthimin në krye të futbollit tonë kombëtar”.
Edi Rama ka uruar zv/ kryeministrin Erjon Braçe, i cili njihet si tifoz i zjarrtë i Partizanit. “Mua më mbeti vetëm kampionati italian këtë vit, ndërsa zëvendësi im juventin fitoi edhe këtë shqiptarin”, thotë Rama.
Ndërsa vëllai i kryeministrit, Olsi Rama që është drejtori i ekipit të kuq deklaroi pas fitores së derbit dhe titullit “Partizani është një ekip shumë i madh. Është luks të punosh për një klub të tillë, që ka një mbështetje shumë të madhe nga tifozëria”.