Adelina Ismaili, diva e muzikës shqiptare ka bërë një rrëfim të gjatë në emisionin “Pressing”, në televizionin T7 në Kosovë, ku mes të tjerash ka folur dhe për sherrin fizik mes saj dhe Leonora Jakupit në vitin 2003.
Në atë kohë u fol mjaft në media për sherrin mes tyre teksa Adelina na ka zbuluar edhe shkakun pas 16 vitesh.
“Po ka pasur përleshje, po pse ka ndodhur e si ka ardhur kjo nuk e di” tha Adelina duke shtuar se “Mamin e ka goditur pak Leonora së pari. Ishte një gardërobë e ngushtë, ajo kaloj edhe e goditi mamin. Mami i bërtiti pak për stres të xhirimeve” tha ajo.
“Mami i tha ‘kadale moj çika ime’. Pastaj ajo e kapi për fyti, e unë kam ndërhy aty” tha Adelina, por nuk tha se nuk dëshiron të flasë më tepër për këtë temë.
Adelina tha se ende nuk e ka të qartë se a është rivale me të apo jo, duke shtuar se nuk ka asnjë xhelozi me askënd.
“Faktikisht ende nuk e kam të qartë a jemi rivale apo jo, sinqerisht po e tham se në jetën time nuk kam pasur asnjë xhelozi për askën, e më pak për një vajzë të re, e le më për një këngëtare që ka kënduar në Koshare” tha ajo.