Një armëpushim që ka zgjatur 29 vjet, edhe pse me incidente të ndryshme gjatë gjithë kohës, ka përfunduar tashmë, për më shumë në një nga zonat më të mëdha të kontestuara në botë.
Diçka që nuk habit, në vitin 2020, edhe pse shkaku në këtë rast nuk është pandemia po manovrat ushtarake që Maroku po zhvillon në Sahara Perëndimore.
Territori, më i madh se Britania e Madhe, është nga zonat më të vështira për mbijetesën, me shkretëtirën që mbulon pjesën më të madhe të tij.
Koloni spanjolle deri në vitin 1976, Sahara Perëndimore u bë i njohur nga opinioni publik për konfliktin midis Marokut që aktualisht kontrollon rreth 75% të territorit, veçanërisht ato bregdetare, dhe Frontin e Polisarios, të përfaqësuar nga banorët lokalë që pretendojnë pavarësinë.
Në vitin 1991 pas një konflikti të përgjakshëm, palët arritën një armëpushim, ku Polisario është tërhequr në zonat lindore. Por ky armëpushim tashmë është i tejkaluar, siç ka deklaruar lideri i Polisarios, Brahim Ghali, që ka quajtur provokim manovrat ushtarake marokene. Burime afër rebelëve thonë sulme kanë filluar që tani, “me humbje jete dhe shkatërrim të planeve ushtarake marokene”.
OKB-ja, që në atë zonë ka një kontingjent paqeruajtësish me misionin MINURSO, po tenton të ndërmjetësoi midis palëve, për mos ta bërë edhe më të nxehtë atë pjesë të shkretëtirës afrikane.