Në një gjendje të rëndë nga tërmetet shkatërruese, nga Turqia dhe Siria ka dhe lajme shprese. Një fëmijë 1 vjeç e gjysmë është nxjerrë nga rrënojat e godinës së shembur nga tërmeti pas 55 orësh.
Ekipet e kërkim-shpëtimit dëgjuan zëra në një pallat të shembur në Kahramanmaraş dhe vepruan menjëherë për të arritur te personat që ishin ende gjallë. Ata hapën një tunel dhe arritën të nxjerrin nga aty Masalin e vogël, i cili ishte pranë nënës së tij Yeliz Kıraççakalı, 23-vjeçe, e cila ende nuk është bërë e mundur të nxirret nga rrënojat.
Mediat në Turqi raportojnë se 23-vjeçarja ka thënë se e kam mbajtur në jetë fëmijën duke e ushqyer atë me gji gjatë orëve të tmerrit.