Moderatorja Einxhel Shkira ka zhvilluar një debat të ashpër me Donald Veshajn në shtëpinë e Big Brother Vip.
Ajo iu drejtuar aktorit duke thënë se u bë i famshëm vetëm nga lidhja që kishte me moderatoren Bora Zemani, fjalë që e kanë prekur gjatë emisionit live Donald Veshajn.
Gjithashtu, Einxhel Shkira tha se ai dhe i vëllai binjak, Romeo Veshaj nuk e kanë paguar për punën e saj në emisionin “Binjakët” dhe e hoqën padrejtësisht nga puna pas një aksidenti që ajo pësoi.
Pas debatit me prezantuesen, aktori u shpreh se ishte i shokuar nga gjithë fjalët që dëgjoi nga Einxhel Shkira dhe se i shpifej vetja.
Gjithashtu, ai foli për vështirësitë që ka kaluar në jetën private dhe atë profesionale.
“Unë nuk jam paguar, nuk e merrja rrogën, kur e merrja laja ato borxhet që kisha, një herë në tre muaj e merrja, në gusht merrja prillin. Kjo është jeta. Kam qenë korrekt nga fillimi deri në fund. Asnjë njeri nuk është i pazëvendësueshëm.
S’dua të flas për dikë tjetër. Nuk kam asnjë lloj opinioni, unë e di çfarë kam përballë. Llafet i kam bezdi. Ule kokën aty, puno! Më 240 mijë lek kam filluar unë punë. Më nxirrnin nga shtëpia se isha me qira dhe shkoja bëja sketche që pronari na ka nxjerrë nga shtëpia dhe me ato kapja miliona.
Nuk dua realisht të flas as edhe një lloj gjëje. Janë disa gjëra që nuk tregohen. Është dashakeqësi. S’më tregon dot çfarë është puna. Flija herët që mos të punonte stomaku, se rrija pa ngrënë.”