Trupi i legjendës së muzikës, Michael Jackson mund të zhvarroset pas akuzave nga të paktën 11 persona që pretendojnë se janë abuzuar seksualisht prej tij.
Autoritetet mund të marrin vendimin të zhvarrosin mbretin e muzikës Pop, për të mbledhur ADN nga trupi i tij, e cila më pas do të krahasohet nëse përputhet me atë të personave që pretendojnë se janë abuzuar seksualisht prej tij.
“Ka të paktën 11 viktima që pretendojnë se janë ngacmuar seksualisht apo edhe përdhunuar nga Jackson kur ishin mes 7 dhe 14 vjeç, dhe lista po rritet”, tha një burim brendshëm për median amerikane “Radar Online”.
“ADN-ja nga kufoma e tij mund të provojë se ata po thonë të vërtetën”, shtoi ai.
Në krye të akuzave kundër Jackson janë 40-vjeçari James Safechuck dhe 36-vjeçari Ëade Robson, të cilët kanë folur publikisht për dokumentarin “Leaving Neverland” për ngacmimet seksuale të këngëtarit.
“Vila e tij e maskuar si një park për fëmijë, ishte në të vërtetë një Parajsë për pedofilët. Ai ka abuzuar qindra, ndoshta edhe mijëra fëmijë”, tha një tjetër burim.
Ekspertët thonë se ADN-ja e viktimave mbetet për shumë kohë në pjesët e trupit të autorit si lëkura apo thonjët.
