Një tjetër variant i rrezikshëm i virusit po kanos botën. Shtatë banorë të vaksinuar plotësisht të një shtëpie të moshuarish në Belgjikë kanë vdekur pasi u infektuan nga një mutacion Covid-19 i zbuluar për herë të parë në Kolumbi, u shpreh ekipi i virologjisë në vend.
Ata të gjithë ishin infektuar me mutacionin B.1.621, të cilin Qendra Evropiane për Parandalimin dhe Kontrollin e Sëmundjeve e kishte listuar si pjesë e variantit Kappa .Ndryshe nga vendet e tjera në Europë, në Belgjikë, varianti Kappa është më i përhapur.
Shtatë personat që vdiqën në shtëpinë e pleqve në qytetin belg të Zaventem, pranë Brukselit, ishin të gjithë mbi 80 vjeç dhe disa prej tyre kishin sëmundje bashkëshoqëruese, tha Marc Van Ranst, një virolog në Universitetin e Leuven.
Pavarësisht nga sëmundjet, Van Ranst tha se vdekjet e tyre ishin “shqetësuese” pasi të gjithë ishin të vaksinuar plotësisht.