Një shqiptar i ka dhënë fund jetës para gruas dhe dy fëmijëve të tij. Ngjarja tragjike ka ndodhur ditën e djeshme në Mesini, në zonën Kalo Nero të Greqisë.
50-vjeçari shqiptar ende i paidentifikuar ka qëlluar veten me një pushkë pas një sherri të madh me gruan që sapo ishte divorcuar. Sipas mediave greke ai shkoi në një arë, ku punonte bashkëshortja me fëmijët, ku ndodheshin dhe shumë punëtorë të tjerë.
Mësohet se ai ka filluar të debatojë ashpër me gruan dhe më pas është larguar. Fillimisht 50-vjeçari ka qëlluar në ajër, dhe fëmijët tentuan ta qetësonin. Më pas ai drejtoi armën nga vetja, duke i dhënë fund jetës së tij.