Pas gjithë dramave me familjen, problemeve të shumta, por edhe ngjarjeve pozitive si martesa me shpirtin e saj binjak, shkëputja nga tutela e të atit, ylli i popit Britney Spears ka vendosur t’i rikthehet pasionit të saj dhe të vijë me një bashkëpunim me legjendarin Elton John.
Spears dhe John do të risjellin këngën ikonike nga repertori i Elton, “Tiny Dancer”.
“Britney dhe Elton u takuan në një studio në “Beverly Hills”, së bashku me producentin Andrew Watt”. Mesa duket, dyshja ka nisur punën dhe shumë shpejt do të kemi një duet prej tyre.
Ky është një hap shumë i madh për këngëtaren, e cila rishtazi ka fituar lirinë. Fansat mezi e presin rikthimin e saj dhe besojmë se do të jetë një rikthim mahnitës, siç i ka hije divës së hiteve.