Franca rrezikon të gjobitet me 100 mijë € për ngatërrimin e himnit të Shqipërisë me atë të Andorrës në sfidën e 7 shtatorit 4-1 në kuadër të fazës eliminatore EURO 2020.
Është gazeta sportive franceze ‘’L’Equipe’’, e cila shton se Federata Franceze të Futbollit do të gjobitet nga UEFA për incidentin me 100 mijë € si dhe rrezikon të dënohet fusha e ‘’Stade-de-France’’. Vendimi pritet të publikohet në 17 tetor.
Incidenti bëri xhiron e botës, ku shumë media u skandalizuan me sjelljen e zyrtarëve francezë të futbollit, të cilët i kërkuan falje Armenisë për ngatërrimin e himnit, kur në fushë ishte ekipi jonë kombëtar. Për këtë ngjarje, presidenti i Francës Emmanuel Macron kërkoi falje në emër të shtetit francez kryeministrit Rama.