Pas bashkimit të votave për verifikimin e personave që kanë marrë më parë një certifikatë të pastërtisë së figurës, mazhoranca dhe grupi i Enkelejd Alibeaj kanë arritur një konsensus. Fjala është për ndryshimin e Kodit Rrugor.
Kreu i grupit parlamentar të PS-së Taulant Balla, ka shprehur vullnetin e shumicës për të shqyrtuar me urgjencë një projektligj të propozuar nga Alibeaj, për ndryshimin e Kodit Rrugor, duke e bashkuar nismën me një projektligj të PS, i cili ka të njëjtin objekt. Nisma e Alibeajt parashikon heqjen e postblloqeve policore nëpër rrugët e Shqipërisë, përgjysmimin e gjobave të larta etj.
Projektligji i propozuar nga Balla për ndryshimin e Kodit Rrugor konsiston në njohjen e dyfishtë të lejeve të drejtimit me Gjermaninë. Nga ana e tij, Alibeaj u shpreh dakord me bashkimin e dy nismave ligjore, ndërsa kërkoi që të procedohej me shpejtësi.