Një video e publikuar së fundmi tregon reagimin e Crisitano Ronaldos, menjëherë pas humbjes me Ajaxin, në çerekfinalet e Ligës së Kampionëve.
Video e publikuar në mediat italiane është regjistruar menjëherë pasi arbitri ka mbyllur ndeshjen në Torino, që u fitua nga Ajax. Ylli portugez i Juventusit vë dorën tek të pasmet e tij, duke bërë një gjest që tregon se bardhëezinjtë u treguan frikacak në këtë përballje.
Disa ditë më parë, “Corriere della Sera” shkruante se portugezi mund të largohet përpara kohe nga Juventusi, madje që këtë verë.
Edhe pse duket e pamundur kjo gjë, një tjetër gazetë e rëndësishme italiane, “La Repubblica” shkruan se portugezi nuk do ta respektojë kontratën me Juven deri në vitin 2022.
“Është shumë e vështirë që CR7 të qëndrojë deri në fund të kontratës. Sezoni i ardhshëm do të jetë i fundit i tij në Itali”, lexohej në gazetë.