Arturo Vidal përfundoi nën kujdesin e mjekëve ditën e hënë për shkak të infektimit me COVID-19. Mesfushori i Inter tashmë është në gjendje të mirë, por për të ka nisur një hetim duke qenë se Vidal nuk ka respektuar masat anti COVID.
Së fundmi është zbuluar se lojtari nuk ka dalë nga shtëpia vetëm për të shkuar në stërvitje, mirëpo ka qenë në një hipodrom së bashku me një mikeshë. Me këtë të fundit, gjithashtu ka shkuar edhe në një restorant luksoz por pa përdorur maskën mbrojtëse.
Kështu, Vidal do të ketë rënë në kontakt me virusin e rrezikshëm duke vendosur në alarm edhe kombëtaren për një përhapje të mundshme të infeksionit. Tashmë, mbetet për t’u parë nëse do të ketë masa autoritetet shëndetësore të vendit të tij.