Alketa Vejsiu po përgatitet për një tjetër eksperiencë, atë të bashkëprezantueses në “Sanremo 2020”. Mes shumë emrash të njohur, Alketa do të dalë në skenë për të realizuar, siç thekson ajo, ëndrrën për të cilën ka investuar prej vitesh.
Së fundmi, Vejsiu ka publikuar një video të një fjalimi të gjatë, ku është përmendur shumëçka. Duke rrëfyer pjesë nga rrugëtimi i saj, Alketa ka treguar se sekreti i suksesit për të ka qenë nxitja dhe mbështetja e njeriut që dashuron. “…Më ka mësuar se kur e do një grua fort, duhet ta mbështesësh në ëndrrën e saj! Dashuria, forca dhe frymëzimi im. Për këtë jam një vajzë me fat”, kanë qenë këto disa nga fjalët e Alketës dedikuar të shoqit.
“Guxo të ëndërrosh”, e ka përmbyllur shkrimin e saj Vejsiu. Ndërsa në video, Alketa ka mbajtur ‘monologun e ëndrrave’, ku ndër të tjera një frazë të mbetet në mendje: “Ëndrra është materia dhe jo imagjinarja…”, një frazë, që pavarësisht sa e qendrueshme është në aspektin filozofik, në këndvështrimin dhe thënë nga Alketa, si gjithmonë, tingëllon si diçka krejt ndryshe dhe plot risi.