Shakira u largua nga Barcelona pak kohë më parë, por deri më tani nuk mundi të merrte me vete prindërit e saj. Ajo u transferua në Miami me fëmijët e saj pas ndarjes nga ish-mbrojtësi i Barcelonës, Gerard Pique, një ndarje që nuk ka qenë e qetë dhe pa polemika.
Ajo donte që prindërit e saj të vinin me të në Shtetet e Bashkuara të Amerikës, por për shkak të problemeve shëndetësore, William Mebarak dhe Nidia Ripoli nuk mundën të bënin udhëtimin. Shakira ka bërë gjithçka që mundet për t’i ndihmuar dhe tani ata janë larguar nga Katalunja me një aeroplan i ndihmës së shpejtë. Një burim i brendshëm u shpreh se:
“Aeroplani që do t’i marrë ata është një aeroplan i ndihmës së shpejtë. Një mjek do të udhëtojë me ta dhe do t’i mbikëqyrë gjatë gjithë kohës”.
Sipas Europa Press, prindërit e Shakirës nuk janë më në Spanjë, ndaj thuhet se ata tashmë mund të jenë në Miami me të dhe fëmijët e saj, Milanin dhe Sashën. Mediat online kanë bërë të ditur gjithashtu se:
“William Mebarak Chadid dhe Nidia del Carmen Ripoll Torrado nuk janë më në Spanjë, kështu që ata mund të jenë pranë vajzës së tyre në këtë fillim të ri të jetës. Shtëpia ku Shakira ka jetuar këto vitet e fundit, fillimisht me Pique dhe fëmijët e tij dhe më pas pa futbollistin, ka qenë shumë e zënë këto ditë për shkak se lëvizja po ndodhte. Sot një furgon i kujdesit shëndetësor ka ardhur në afërsi për të mbledhur disa bombola oksigjeni dhe pajisje mjekësore të përdorura nga babai i kolumbianes”.