Ratifikimi i Protokollit të Anëtarësimit të Maqedonisë në NATO është e vetmja pikë në Kuvend, ku opozita dhe maxhoranca bashkojnë votat.
Një ditë pas komisionit të Ligjeve, edhe komisioni i Jashtëm ka miratuar këtë protokoll, i cili do të ratifikohet të enjten në Kuvend, duke bashkuar votat e të dy kampeve.
Një ditë më parë komisioni i ligjeve miratoi këtë Protokoll, por pavarësisht konsensusit të arritur nuk ka munguar as ironia. Ministria e jashtme kishte si përfaqësues zv.ministren e MEPJ, Artemis Dralo, të cilës deputetja e LSI-së, Silva Caka i tha të rishikojë simbolet kombëtare kur të mbërrijë në zyrë.
Demokrati Gent Strazimiri tha se qeveria po rrezikon qëndrimin e Shqipërisë në NATO. “Rrezikojmë të na nxjerrin nga dritarja e NATO-s”, tha ai.
Pavarësisht debatit, kur vjen puna tek qëndrimi i Shqipërisë në arenën ndërkombëtare politika shqiptare bëhet një zë.