Këngëtarja Fjolla Morina e cila prej muajsh ka shqetësuar rrjetin me videot e saja duke akuzuar me emra, persona që sipas saj janë kokat e krimit të organizuar, është shtruar në spital pasi nuk është në gjendje të mirë shëndetësore. Morina ka nisur një dramë në rrjet duke ndarë pothuajse gjatë gjithë ditës video ku akuzon me m emra personazhe të njohur dhe jo vetëm si organizatorë, vrasës dhe kokat e krimit në Kosovë dhe Shqipëri.
Ajo është parë shpesh në gjendje të rënduar, nisur nga akuzat, paraqitja e saj dhe të shpërthimet emocionale në lot dhe shpeshherë edhe në të shara. Pak ditë më parë vetë nëna e këngëtares, reagoi duke u shprehur se Fjolla ka probleme psikike prandaj edhe po vepron në këtë mënyrë.
Ndërkohë në media po qarkullon lajmi se ajo është shtruar mbrëmë në spital. Fjolla Morina gjithashtu ka tronditur me deklaratën e saj për Vis Martinaj. Ajo pretendon se e di kush është personi që fshihet pas zhdukjes së Martinajt.