Këngëtarja Ronela Hajati do të përfaqësojë Shqipërinë në edicionin e këtij viti të festivalit Eurovizion, ku ajo do të performojë në natën e parë të gjysmëfinales më 10 maj. Artistja merr pjesë me këngën “Sekret” dhe shoqërohet dhe me një koreografi shumë provokuese e cila ka bërë shumë zhurmë.
Por përveç këtyre, Ronela duket se tërheq shumë vëmendje me çdo detaj. Së fundmi ajo është komentuar për një gjerdan shumë të çmuar të cilin e mbajti në qafë gjatë provave në Torino.
Gjerdani me ar të bardhë mban emrin “Engma X” dhe është 18 karat. Ai është me smeraldë vlera e tij përllogaritet 10 mijë e 800 euro.
Ndërkohë, kujtojmë se Ronela është përfolur shumë në media ditët e fundit, pasi faqja e Eurovizion i fshiu postimin me fotot e performancës së saj, të cilat janë konsideruar tepër estravagante dhe provokuese.