Mjeku Pëllumb Pipero ka reaguar pas videos ku ai shfaqej me disa miq duke festuar. Në një reagim në mediat sociale, Pipero shprehet se video është bërë disa muaj me parë dhe ka qenë në një festë me disa miq të tij në Velipojë.
Mjeku shton se festa ka qenë në kushte të tjera edhe pse me COVID-19, me virusin që duhet të mësohemi të bashkëjetojmë me te. Po ashtu ai shton se dreka ishte mes miqsh, të cilëve duke i respektuar ju ka besuar jo vetëm fytyrën por edhe jetën.
“Të jesh person publik mesa duket ka nje kosto kudo, edhe në nuk i shmangemi dot. I mirëkuptoj të gjithë! Ndërkohe dua të sqaroj se video i përket një dreke mes miqsh ne Velipoje, rreth disa muaj më parë, në kushte krejt të tjera edhe pse me Covid, me të cilin duhet të mësohemi të bashkëjetojmë pse jo. E ritheksoj, dreka ishte mes miqsh, të cilëve duke i respektuar ju kam besuar jo vetëm fytyren por edhe jetën!”, shkruan Pipero